Նպատակները

• Հայաստանի Հանրապետությունում հանցագործությունների, վարչական իրավախախտումների և դրանք կատարած անձանց, ինչպես նաև օրենսդրությամբ նախատեսված այլ միասնական պետական հաշվառումների իրականացումը, դրա հիման վրա վիճակագրության արտադրությունը․ 
• Քրեաբանական վերլուծությունների և հետազոտությունների արդյունքների, քաղաքականության մշակման համար ուղղորդող նյութերի ու տեղեկատվության, ինչպես նաև հանցավորության կանխարգելման և դրա դեմ պայքարի արդյունավետության բարձրացմանն ուղղված առաջարկությունների տրամադրումը Նախարարությանը և այլ պետական մարմիններին` հանցավորության կանխարգելման ոլորտում ապացուցահեն քաղաքականություն մշակելու ու իրականցելու համար:

Խնդիրները

• Հանցագործությունների, վարչական իրավախախտումների, դրանք կատարած անձանց, ինչպես նաև օրենսդրությամբ նախատեսված այլ տեղեկատվության վերաբերյալ տեղեկատվական շտեմարանների ձևավորումը․
• Քրեաբանական վերլուծությունների ու հետազոտությունների իրականացումը, այդ թվում՝ վերլուծական և արհեստական բանականության գործիքների կիրառմամբ.
• Նախարարության, այլ պետական մարմինների իրազեկվածության ապահովումը հանցավորության վիճակի, կառուցվածքի, միտումների, օրինաչափությունների, հիմնական ռիսկերի, հանցավորության կանխարգելման և դրա դեմ պայքարի ուղղությամբ իրավապահ մարմինների աշխատանքի արդյունավետության, ինչպես նաև քրեաբանական վերլուծությունների ու հետազոտությունների արդյունքների վերաբերյալ՝ ներկայացնելով համապատասխան առաջարկություններ իրավասու սուբյեկտներին։